Ձմեռային մարզական խաղերն ամենահետաքրքիրն ու տպավորիչն են միշտ լինում, սակայն այս տավա ձյան սակավության պատճառով կրճատվեց այս ստուգատեսի շրջանակներում նախատեսված ճամփորդությունների քանակը: 16-րդ ջոկատի ճամբարականների հետ այցելություն ունեցանք Իրինա Ռոդնինայի անվան գեղասահքի և հոկեյի մարզադպրոց: Անպատմելի էր ճամբարականների ուրախությունն ու հրճվանքը:Ոմանք լավ էին սահում ու վայելում սառցե հաճույքը, ոմանք էլ՝ նոր էին սովորում կանգնել չմուշկների վրա: Բայց ցանկացած պարագայում բոլորն էլ գոհ էին ու երջանիկ.
Արտադրությամբ ուսուցումը սովորողների և դասվանդողներ, անհատական, խմբային, համագործացային նախագծերի ստուգատես է, որի նպատակը տեխնոլոգիական դասընթացների կազմակերպումը արտադրությամբ, ուսուցմամբ ներկայացնելն է:Այս ստուգատեսի շրջանակներում անդրադարձանք խոհանոցային արտադրությանը և թխեցինք գաթա, դդումով քաղցրաբլիթ, պիցցա.
Ունեցանք նաև կավից արտադրություն, որի համար գնացինք գեղարվեստի դպրոց համագործակցելու Ալիս Գևորգյանի հետ: Ալիսի առաջարկով ծեփեցինք դիջի գործիքներ՝ համակարգիչներ, էաբեր, հեռախոսներ ,ականջակալներ և այլն.
Համագործակցեցինք նաև Անուշ Դավթյանի հետ ու պատրաստեցինք ազգային տարազով ասեղնագործ կրծքազարդեր.
Այս ստուգատեսն էլ ընթացավ շատ բուռն: Մարզական ստուգատեսի շրջանակներում 16-րդ ջոկատի ճամբարականները հանդիպումներ ունեցան Սոնա Սարգսյանի հետ, մարզվեցին, հանձնեցին նորմատիվները.
16-րդ ջոկատը նաև այս ստուգատեսին ակտիվ մասնակցություն ունեցավ: Ճամբարականները մասնակցեցին կառուցողական խաղերի ֆլեշմոբին, որը էլ ավելի զարգացրեց հետաքրքրությունը ինքնաշեն և կառուցողական խաղերի հանդեպ.
Այս ստուգատեսի շրջանակներում Շուշան Ալեքսանյանի հետ կատարեցին նաև բնագիտական փորձեր.
Հանրակրթական Դիջիթեքը թվային, տեղեկատվական տեխնոլոգիաների ուսուցման նախագծերի ստուգատես է: Ստուգատեսի նպատակն է ներկայացնել հեղինակային կրթական ծրագրի փորձը թվային, տեղեկատվական տեխնոլոգիաների ուսուցման բնագավառում: Այս ստուգատեսի շնորհիվ 16-րդ ջոկատի ճամբարականները ծանոթացանCanva ծրագրին Քոլեջի ուսանողների օգնությամբ:Ծրագրի վերաբերյալ տեսական և գործնական գիտելիքներ ձեռք բերեցին ,սովորեցին, թե ինչպես պետք է օգտագործել ծրագրի ֆունկցիաներն անվճար: Սովորեցին ու բացահայտեցին Canva ծրագրից օգտվելու հմտություններն ու նրբությունները, որոնց միջոցով կարողացան պատրաստել լոգոներ, սահիկաշարեր, սթորիներ սոց ցանցերի համար.
Ազգագրական փառատոնիշրջանակներում 16-րդ ջոկատի ճամբարականների հետ անդրադարձել ենք ազգային խոհանոցին և թխել ենք կլոր գաթա:
Սովորել և մեծ ոգևորությամբ խաղացել ենք ազգային խաղեր:
Ազգագրության փառատոնի շրջանակներում 16-րդ ջոկատը Արևմտյան դպրոցում հյուրընկալեց 4.2 դասարանի Միքայել Մկրտչյանի մայրիկին՝ Մերի Սմբատյանին, ով հոգեբան է: Այցի նպատակը սովորողների ներաշխարհի գեղեցիկ ու գունեղ կողմերի բացհայտումն էր ժողովրդական հեքիաթների միջոցով: Մեր հյուրը ներկայացրեց , թե ինչ կարևոր դեր ու նշանակություն ունեն բանահյուսության այս գլուխգործոցները:Պատմեց բանահավաքների և նրանց կատարած ահռելի աշխատանքի մասին: Սովորողների հետ քննարկվեց Հովհաննես Թումանյանի «Խոսող ձուկը» հեքիաթը, հնչեցին հարց ու պատասխաններ, փոխանակվեցին մտքեր և կարծիքներ: Հեքիաթի ազդեցության ու տպավորության տակ էլ սովորողներն սկսեցին ստեղծագործել: Մտքերը, տպավորություններն ու կարծիքները դարձան թղթի վրա նկարված պատկերներ: Պատկերների շուրջ տրվեց հետաքրքիր հոգեբանական բացահայտումներ ու վերլուծություններ հոգեբան մայրիկի կողմից:
Աննա Վարոսյան 