Աքաղաղ
Չի լուսանում։ Ես դեռ ազդանշան չեմ տվել։. Այս առակը վերաբերվում է մեծածիտ ու ինքնահավան մարդկանց , ովքեր իրենց անձը բարձր են դասում բոլորից, սեփական քթից այն կողմ չեն տեսնում ոչինչ։Դժվար է շփումը նման մարդկանց հետ , բայց ցավոք այսօր այնքան շատ են նման մարդիկ ՝ ինքնասիրահարված, մեծամիտ։Իզուր չէ , որ աքաղաղն է առակի հերոսը , այսինքն ես սա դիտարկում եմ առակ դատարկ , սնապարծ արական սեռի մասին։Ի՞նչ է անում աքաղաղը, ոչ մի օգտակար բան, բայց քայլում է կարծես ողջ աշխարհն իրենն է։Հասարակ հավը տալիս է օգուտ՝ ձու է ածում , բայց միշտ խոնարհ է ու համեստ։
Ճնճղուկ
Մեծ բան է՝ սոխա՜կ։ Մենք, ճնճղուկներս, ավելի շատ ենք։
Այս առակն էլ եզակի ու տարբերվող մարդկանց մասին է , որոնք ընդունված չեն հասարակության կողմից ։Սոխակը տարբերվող անհատն է , իսկ ճնճղուկը՝ հասարակությունը։
Կոճղ
Ինչո՞ւ չեն ասում․ «Արժանապատիվ կոճղ»։
Կոճղը տարեց մարդու խորհրդանիշն է , որը ցավով է դեպի անցյալ նայում , երբ ինքը երիտասարդ էր ու պիտանի մարդկությանն ու բնությանը։
Աղվես
Բոլոր կենդանի արարածները բաժանվում են երեք կարգի՝ թշնամիների, մրցակիցների և որսի։
Այս առակը կարծես մերօրյա իրականության մասին լինի ,երբ մարդկությունը բաժանված է մասերի։Իմ պատկերացմամբ թշնամիները երկրի ղեկավարներն են, մրցակիցները՝ նրանց չենթարկվող ընդդիմությունն է, իսկ որսը հասարակ ժողովուրդն է ։Ինչ էլ որ լինի հասարակ ժողովուրդն է տուժում։
Աշխատանքի բաժանում
Ես կնայեմ, թե դուք ինչպես եք աշխատում, իսկ դուք կնայեք, թե ես ինչպես եմ ուտում։
Կյանքն այնքան անարդար է։Հաճախ ենք ականատես լինում , թե ինչպես են շատերը ուրիշի քրտինքով վայելում կյանքը։
Միօրիկ
Հարյուրամյա՜ կրիա։ Ինչպե՞ս կարելի է այդպես հրեշավոր կերպով հետամնաց լինել։
Սեփական սխալների , թերությունների արդարացումն է այս առակում։ Կրիան ծուլության , անտարբերության , դանդաղաշարժության մարմնացումն է։
Ճնճղուկ
Ինչպե՜ս, արտույտն իրավացի՞ լինի։ Դա բացառված է։ Ճշմարտությունը մեկն է, և այն՝ ճնճղուկային։
Մեծամտության, ինքնամեծարման ուրույն տարբերակ է սա։Երբ քեզ թվում է , թե դու երկրի առանցքն ես, իսկ երկիրը ՝ պտտվում է քո շուրջ։
Ծածան
Ոչ մի կենդանի էակ չի կարող ապրել՝ խորասուզված օդում։
Աշխարհում ոչ ոք չի կարող իրեն մեկուսացնել հասարակությունից։Բոլորս էլ հասարակության մի մաս ենք կազմում ու ինչքան էլ ցանկանանք զերծ մնալ շատ բաներից՝չենք կարող։
Էշ
Թո՛ւհ։ Այսպիսի լուրջ պահ, և կեռասենին առանց քաշվելու ծաղկում է իր համար։
Մարդկությունն ու հասարակությունն այնքան նախանձ է, որ չի կարող տեսնել ուրիշի վերելքը։
Աշնան տերև
Ժամանակի պահա՞նջը։ Գիտենք՝ սոսափել քամու դեմ։
Եթե անհատը կյանքի թոհուբոհում հանկարծ հայտնվում է տարբեր իրավիճակներում, ուրեմն պարտավոր է հարմարվել տրված իրավիճակին։Այլ կերպ հնարավոր չէ։
Փտում
Ես էլ եմ քայլում ժամանակի հետ։
Սա այն տարբերակն է , երբ մարդը տեսնում է իր թերություններն ու սխալները , բայց կարծում է , որ դրանք առավելություն են։
Հարևան
Այդ Արքիմեդը վախկոտի ու դավաճանի մեկն է։ Թշնամին ներխուժում է մեր քաղաքը, իսկ նա իր գծագրերն է գծագրում։
Սա էլ նախանձի մեկ այլ դրսեվորում է ։ Խելացիները միշտ եղել են ամենանախանձելիները…
Կատոն ավագ
Ի՞նչ։ Սո՞վ։ Աղքատությո՞ւն։ Անբերրիությո՞ւն։ Դատարկ բան։ Ամենից առաջ անհրաժեշտ է Կարթագենը կործանել։
Այն տարբերակն է , երբ մեծամիտները կարեւորն անտեսում են , իսկ երկրորդականը՝ կարեւորում…
Ներոն
Քրիստոնյաների հետապնդումը հերյուրանք է։ Մենք միայն հերքում ենք նրանց հայացքները։
Ներոնն այն կերպարն է , ով ամենից շատ է տանջել ու քարկոծել քրիստոնյաներին։ Կյանքում էլ է այդպես՝ շատ բաներ ինչն իրավացիորեն եղել է , մարդիկ վստահորեն հերքում են։
Աթիլլա
Մենք էլ ենք եկել աշխարհը փրկելու։
Ոչ մի ֆիզիկական ուժ չի կարող փրկել աշխարհը։Աշխարհին մարդկային հոգեւոր ջերմություն է պետք։Աշխարհին խաղաղություն է պետք։
Դիկտատոր
Ես հասա համախոհության։ Բոլորը պետք է հնազանդվեն։
Կան մարդիկ , որ իրենց ամենակարող առաջնորդ են կարծում ու նրանց թվում է , թե բոլորը նրանց համախոհներն են։Դա միայն այն պատճառով , որ ոչ ոք նրանց հետ գլուխ չի դնում , կամ էլ չի համարձակվում այլ կարծիք հայտնել։
Բռնակալ
Էյ դո՜ւք, տականքնե՛ր։ Ես ձեզանից փառապանծ ազգ ստեղծեցի։
Եսամոլության մեծագույն դրսեվորում , որտեղ զուտ իր շահն է սիրում, բայց ոչ ժողովրդինը…
Քննադատ
Ինչո՞ւ պետք է իմանամ, թե աշխարհն ինչպիսին է։ Բավական է որ գիտեմ, թե նա ինչպիսին պետք է լինի։
Սեփական կարծիքի կարեւորում, պնդում…
Քննադատական դոդոշ
Իմ կարծիքով, օձը չպետք է այդքան երկար լիներ։
Մարդը լինելով նախանձ՝ աչքը միշտ գցում է ուրիշի ունեցածին…
Ճանճը պատուհանի ապակուն
Այժմ ես գիտեմ, թե որտեղ է կեցության սահմանը։
Անբանի համար միայն իր տեղը տաք ու հարմար լինի, աշխարհի վրա էլ թքած կունենան։
Աննա Վարոսյան 