Մասնակիցներ՝ առաջին դասարանի աշակերտներ( 5-6 տարեկաններ), երկարացված օրվա կազմակերպիչ
Նպատակը՝ ծեսի մասին տեղեկությունների փոխանցում, հաշվելու, համեմատելու հմտությունների զարգացում։
Խնդիրներ՝ զանազանել բանջարեղենները, հաշվել, համեմատել, դասավորել երկուական, երեքական բանջարեղեններ, ինքնաշեն կշեռքով կշռել՝ ծանր ու թեթև բանջարեղենները համեմատել։
Ընթացքը՝ սովորողների մի խումբ լվանում է բանջարեղենները, մյուս խումբը՝ առանձնացնում, տեսակավորում։ Չափումներ անելուց, համեմատելով հետո կտրատում, համտեսում, պատմում համերի մասին, ապա անցնում թթվի թթվեցմանը։
Զվարճալի, տրամաբանական խնդիրներ1.Իմ հայրը որդի ունի, բայց ես եղբայր չունեմ։ Այդ ինչպե՞ս։ Իմ հոր որդին ես եմ։ 2. Կաղնու վրա կա 7 ճյուղ, իսկ յուրաքանչյուր ճյուղի վրա՝ 3 կոն։ Քանի՞ կոն է աճում կաղնու վրա։ Կաղնու վրա կոն չի աճում։3. Մի ջայլամը թռավ դեպի լճակը 5 րոպեում, իսկ մյուսը՝ 10 րոպեում։ Ո՞ր ջայլամն ավելի արագ թռավ։ Ջայլամները չեն թռչում։
15.10 — ուրբաթ-08.30-1.30
1-ին ժամ — Մայրենիից ընթերցել ենք Ղ. Աղայանի <<Արևի ճառագայթները>> պատմությունը:Լրացրել ենք առաջադրանք 1,2,3,4:
2-րդ ժամ — Հայոց լեզվի գիրք-տետրից լրացրել ենք հոմանիշների և հականիշների շուրջ առաջադրանքները:
3-րդ — ժամ — Մաթեմատիկայի ժամին word ծրագրով երկնիշ թվերի գումարում և հանում է արվել:
Աշնանային այս գունեղ ու արևոտ օրը փոքրիկ սեբաստացիներն իմաստավորեցին քայլարշավով, որը տանում էր Հրազդանի կիրճ: Ճամփորդների օրն սկսվեց դպրոցից: ՈՒղևորվեցին դեպի Սուրբ Սարգիս եկեղեցի, որից հետո իջան Հրազդանի կիրճ: Նախաճաշեցին բնության գրկում՝ վայելելով գետակի քչքչոցն ու աշնանային շլացնող բնապատկերը: Հավաքեցին ճանապարհին հանդիպած աղբը մինչև մանկական երկաթուղի: Այստեղ նրանք նստեցին խշխշան տերևների մեջ ու փորձեցին պատկերել իրենց ճամփորդության տպավորությունները թղթի ու մատիտի օգնությամբ: Հրճվանքով խաղացին ու թավալվեցին չոր ու խշխշան տերևների մեջ: Երջանիկ ու անհոգ թափառումներից հետո վերադարձան սիրելի կրթահամալիր: Աշունոտ վայելքի մասին կպատմի ֆիլմը.