Նախագծի մասնակիցներ՝ 16-րդ ջոկատի ճամբարականներ
Իրականացման օրը՝ հունվարի 16
Նախագծի նպատակը և խնդիրները՝
- ազգային արժեքների ձևավորում
- ծանոթացում գաթա թխելու ազգային ավանդույթին
- գաթանախշիչի ներկայացում
- ծանոթացում արարողակարգի ծիսական երգերին
- մասնակիցների ընդգրկում ՝ բուն ծիսական արարողակարգի ընթացքին
- ալրանկարչության միջոցով՝ երևակայության զարգացում
- խմորի հետ շփման ընթացքում՝ մանր մոտորիկայի զարգացում
Անհրաժեշտ նյութեր կամ գործիքներ՝ ալյուր, շաքարավազ, կարագ, ձու, մածուն, սոդա, վանիլ, գրտնակ, ջեռոց
Նախագծի իրականացման ընթացքը, նկարագրությունը
Սովորողներին կներկայացվի՝ որն է գաթաթխիկի ծիսականությունն ու խորհուրդը, ինչպես են այն կիրառել՝ որպես հարսնատեսի հրավեր, բուն հարսանեկան արարողակարգի կարևոր մաս , գաթայի պատրաստման ամանորյա խորհուրդն ու տարվա բարեհաջող լինելու գուշակության սովորույթը:
Ընդհանուր պատկերացում՝ գաթանախշչի վերաբերյալ. կներկայացվի դրա հետ կապվող ավանդույթը : Այնուհետև կիրականացնենք գաթաթխիկի բուն ծեսը՝ խմորի ու խորիզի պատրաստմամբ, ազգային երգեր երգելով ( Գունդ անեմ, Ջաղացը մանի-մանի ), խմորի միջոցով մոտորիկան զարգացնելով, ալրանկարչությամբ, ինչին կհաջորդի համտեսումը և գաթայի կիրառումը, ըստ ավանդության, որպես թռչունների կերակրաման ( մի գաթայի մեջտեղում նախքան թխելը փոսիկ է արվում, իսկ հետո՝ լցվում ցորենով ) եղանակ:
- ծանոթացում ծեսին
- ծեսի կազմակերպում
- բուն ընթացք
- տեսանկարահանում
- ամփոփում
- արդյունքների հրապարակում
Ակնկալվող արդյունքը՝ ծեսի վերաբերյալ ուսումնական տեսանյութերի ստեղծում:
Աննա Վարոսյան 